Ургут туманида масжид фойдаланишга топширилди
14.03.2021 - 15:05Ургут туманида туманнинг Мерганча маҳалласида бунёд этилган масжиднинг фойдаланишга топширилишига бағишланган тадбир бўлиб ўтди.
Тадбирда Ўзбекистон мусулмонлари идораси раиси, муфтий Усмонхон Алимов, вилоят ҳокими Эркинжон Турдимов ҳамда туман ҳокими Ботир Жабборов иштирок этди.
Мазкур масжиднинг майдони 1,06 гектарни ташкил этади. Масжид икки қаватдан иборат бўлиб, 8 мингга яқин намозхонни сиғдира олади. Масжиднинг ўртасида 36 метр баландликда гумбаз қилинган. Тўрт бурчагида 40 метр баландликдаги тўртта минора қурилган.