Махсус имкониятлар
Жорий йилнинг 25 июнь куни Самарқанд шаҳридаги “Ёшлар маркази” биносида “Маҳалла” хайрия жамоат фонди тақсимотига асосан фуқаролар йиғинлари моддий-техника базасини мустаҳкамлаш бўйича кўрилаётган чора-тадбирлар муҳокамасига бағишланган давра суҳбати бўлиб ўтди.
Tадбирда Ўзбекистон “Маҳалла” хайрия жамоат фонди Республика бошқаруви раиси ўринбосари Соқижон Каримов, фонднинг вилоят бўлими ҳамда туман, шаҳар бўлинмалари раислари ва ҳисобчилари, Ўзбекистон МТДП вилоят кенгаши, вилоятдаги бир гуруҳ маҳалла фуқаролар йиғинлари раислари, моддий ва ижтимоий ҳимояга муҳтож бўлган бир гуруҳ фуқаролар ҳамда матбуот ходимлари иштирок этишди.
Тадбир давомида ижтимоий ҳимояга муҳтож бўлган 4 нафар, ёнғиндан жабр кўрган 1 нафар фуқарога жами 33,3 млн сўмлик моддий ёрдамлар берилиши тўғрисидаги сертификатлар, 6 нафар чин етим ва ота-она қарамоғидан маҳрум бўлган олий ўқув юрти талабаларига 33,2 млн сўмлик шартнома пулини тўлаб берилиши тўғрисида сертификатлар, шунингдек, вилоятдаги 22 та маҳалла фуқаролар йиғинларига жами 16 тадан мебел тўпламлари, компьютер ва принтер қурилмалари, жумладан, Ургут туманидаги “Ватак” МФЙга мебел тўпламлари, компьютер ва принтер қурилмалари тантанали топширилди.
“Маҳалла” хайрия жамоат фонди Самарқанд вилоят бўлими бошқаруви матбуот хизмати
__________________________
“Mahalla” xayriya jamoat fondi tomonidan tumanning “Vatak” mahallasiga mebellar toʻplami, kompyuter hamda printer qurilmalari tantanali topshirildi
Joriy yilning 25-iyun kuni Samarqand shahridagi “Yoshlar markazi” binosida “Mahalla” xayriya jamoat fondi taqsimotiga asosan fuqarolar yigʻinlari moddiy-texnika bazasini mustahkamlash boʻyicha koʻrilayotgan chora-tadbirlar muhokamasiga bagʻishlangan davra suhbati boʻlib oʻtdi.
Tadbirda Oʻzbekiston “Mahalla” xayriya jamoat fondi Respublika boshqaruvi raisi Soqijon Karimov, fondning viloyat boʻlimi hamda tuman, shahar boʻlinmalari raislari va hisobchilari, Oʻzbekiston MTDP viloyat kengashi, viloyatdagi bir guruh mahalla fuqarolar yigʻinlari raislari, moddiy va ijtimoiy himoyaga muhtoj boʻlgan bir guruh fuqarolar hamda matbuot xodimlari ishtirok etishdi.
Tadbir davomida ijtimoiy himoyaga muhtoj boʻlgan 4 nafar, yongʻindan jabr koʻrgan 1 nafar fuqaroga jami 33,3 mln soʻmlik moddiy yordamlar berilishi toʻgʻrisidagi sertifikatlar, 6 nafar chin yetim va ota-ona qaramogʻidan mahrum boʻlgan oliy oʻquv yurti talabalariga 33,2 mln soʻmlik shartnoma pulini toʻlab berilishi toʻgʻrisida sertifikatlar, shuningdek, viloyatdagi 22 ta mahalla fuqarolar yigʻinlariga jami 16 tadan mebel toʻplamlari, kompyuter va printer qurilmalari, jumladan, Urgut tumanidagi “Vatak” MFYga mebel toʻplamlari, kompyuter va printer qurilmalari tantanali topshirildi.
“Mahalla” xayriya jamoat fondi Samarqand viloyat boʻlimi boshqaruvi matbuot xizmati
