17-07-2024 20:09
Mamlakatimizning chekka hududlarida ijod qilib kelayotgan yosh shoirlarni izlab topish, ularga o‘z salohiyati va iqtidorini yanada kengroq namoyon qilishiga ko‘maklashish maqsadida tashkil etilgan “Mushoira” ijodiy tanlovining tuman bosqichi bo‘lib o‘tdi.
Tuman axborot kutubxona markazida bo‘lib o‘tgan tanlovda hududiy bosqichlarda yuqori natija ko‘rsatgan 16 yoshdan 30 yoshgacha bo‘lgan yosh qalamkashlar ishtirok etishdi.
Hakamlar hay’ati a’zolari Д.Аҳророва, А.Отамуродов, О.Файзиевлар belgilangan Nizom asosida ishtirokchilarning shartlar bo‘yicha taqdimot va chiqishlarini xolisona baholab bordilar.
Qizg‘in davom etgan ko‘rik-tanlov natijalariga ko‘ra Mirzaqishloq mahallasida istiqomat qiluvchi Nilufar Nurmurodova 3-o‘rin, Ispanza mahallasida yashovchi Sabrina Matlabova 2-o‘rinni egallagan bo‘lsa, Pochvon mahallasidan kelgan Jasmina Bahrullayeva 1-o‘rinni egallab, tanlovning viloyat bosqichiga yo‘llanmani qo‘lga kiritdi.
G‘olib ishtirokchilar Yoshlar ishlari agentligi tomonidan diplom hamda kitoblar jamlanmasi bilan taqdirlanishdi.
