Fuqarolik-huquqiy nizosiz talablar bo‘yicha notariuslar tomonidan ijro xatlarini yozish tartibi joriy etildi.

Joriy yilning 9 sentyabr kuni O‘zbekiston Respublikasi Prezidentining “Notariat institutini yanada rivojlantirish hamda sohaga zamonaviy axborot-kommunikatsiya texnologiyalarni keng joriy etishga oid qo‘shimcha chora-tadbirlar to‘g‘risida”gi 280-sonli Qarori qabul qilindi. Ushbu qarorga ko‘ra 2026 yil 1 martdan boshlab bazaviy hisoblash miqdorining ming baravarigacha bo‘lgan quyidagi fuqarolik-huquqiy nizosiz bo‘lgan

(a) notarial tasdiqlangan bitimlarga asoslangan talab;

(b) yozma va notarial tasdiqlangan bitim mavjud bo‘lgan taqdirda, undirishni qarzdorning majburiyatlari bajarilishining ta’minoti bo‘lgan ko‘char mol-mulkka qaratishtirish to‘g‘risidagi talab;

(v) ijara to‘lovlari, ko‘p kvartirali uy­lardagi joylarning mulkdorlaridan majburiy badallar va to‘lovlar, kommunal va aloqa xizmatlari bo‘yicha qarzdorlikni undirish to‘g‘risidagi talablar bo‘yicha notariuslar tomonidan ijro xatlarini yozish tartibi joriy etildi.

Mazkur qaror fuqarolar va tadbirkorlarga o‘z huquqlari va qonuniy manfaatlarini sudlarda himoya qilish uchun keng imkoniyatlar yaratilishi, odil sudlovning sifati oshirilishi, shu bilan birga sudyalar ish yuklamasi optimallashtirilishiga olib keladi.

Fuqarolik ishlari bo‘yicha Urgut tuman sudining sudyasi

Muxammatkulova Shaxnoza Arslonovna