Urgut tuman hokimi D. Sayidkulov, Samarqand viloyati prokuraturasi prokurori M. Turdiyev hamda tuman IIB boshlig‘i M. Kuziyev rahbarligida Kamongaron mahallasida joylashgan Xo‘ja Ahror Vali ziyoratgohiga tashrif buyurildi.

Tashrif davomida ziyoratgoh hududida olib borilayotgan ta’mirlash, ko‘kalamzorlashtirish, tozalash va obodonlashtirish ishlari bilan tanishildi. Hududda tozalikni ta’minlash, daraxt va manzarali gullar ekish, ziyoratchilar uchun qulay sharoitlar yaratish bo‘yicha amalga oshirilayotgan ishlar ko‘zdan kechirildi.

Shuningdek, ziyoratgoh hududda joylashgan Xo‘ja Ubaydulloh jome masjidida olib borilayotgan ta’mirlash va obodonlashtirish ishlari ham ko‘rib chiqildi. Masjid atrofi tozaligi va ziyoratchilar uchun yaratilayotgan imkoniyatlar alohida qayd etildi.

Shu bilan birga, yurtimiz tinchligi, Vatan ravnaqi, xalqimiz farovonligi va yoshlarimizning sog‘lom hamda barkamol bo‘lib voyaga yetishi uchun duolar qilindi.