Urgut tumani hokimi D.Sayidkulov hamda Samarqand viloyati prokuraturasi bo‘lim prokurori M.Turdiyev rahbarligida G‘o‘s mahallasi fuqarolari, oqsoqollar, nuroniylar, mehnat faxriylari va keng jamoatchilik vakillari ishtirokida uchrashuv o‘tkazildi.

Ochiq muloqot tarzida o‘tgan uchrashuv davomida aholining taklif va muammolari tinglanib, ularni qisqa muddatlarda bartaraf etish yuzasidan aniq chora-tadbirlar belgilab olindi.

Shuningdek, mahallada ijtimoiy-iqtisodiy rivojlanish, infratuzilmani yaxshilash, ichimlik suvi, elektr energiyasi, yo‘llar va obodonlashtirish masalalariga alohida e’tibor qaratildi.

🌳 Mahallaning yanada chiroyli va ko’rkam bo‘lishi uchun keng ko‘lamli obodonlashtirish xasharlari tashkil etilishi belgilandi.