Махсус имкониятлар
2020 йилда глобал ҳарбий харажатлар қарийб 2 триллион долларни ташкил этган, бу 2019 йилгига нисбатан 2,6 фоизга кўп. Бу ҳақда Стокголм халқаро тинчлик тадқиқотлари институти (SIPRI) ҳисоботида айтилган.
Умуман олганда, 2020 йилги ҳарбий харажатлар жаҳон ЯИМнинг 2,4 фоизини ташкил этган, 2019 йилда эса бу кўрсаткич 2,2 фоизни ташкил этган. Мудофаа харажатлари бўйича етакчи бешта мамлакат қаторига AҚШ, Хитой, Ҳиндистон, Россия ва Буюк Британия кирган, уларнинг харжлари дунё харажатларининг 62 фоизини ташкил этади, деб ёзмоқда РИA Новости.
AҚШ анъанавий равишда энг кўп йиллик ҳарбий харажатларга эга бўлган давлатдир. 2020 йилда улар мамлакатнинг ҳарбий салоҳиятини ривожлантириш мақсадида 778 миллиард доллар миқдорида пул сарфлаган. Хитой 252 миллиард доллар, Ҳиндистон 72,9 миллиард доллар сарфлаган. SIPRI берган маълумотларига кўра, тўртинчи ўринни эгаллаган Россиянинг ҳарбий харажатлари 61,7 миллиард долларни ташкил этган, бу 2019 йилгига нисбатан 2,5 фоизга кўпроқ пул харжлаган дегани. Буюк Британия эса бу борада эълон қилинган рейтингда 59,2 миллиард доллар харажат билан кучли бешликка якун ясайди.
Эътибор берган бўлсангиз, ушбу кучли бешликка кирган мамлакатларнинг барчасида ядро қуроллари мавжудлиги ҳақида кўплаб хабарлар тарқалган. Туркиянинг ЯИМ Россияникидан кўра кўпроқ эканлигига қарамай, ҳарбий соҳага йўналтирилган маблағлар миқдори бўйича Россиядан орқада. Эҳтимол бунга асосий сабаб Туркия ядровий қуролга эга бўлмаганлигидир.
