Махсус имкониятлар
Коронавирус пандемияси сабаб жорий ўқув йили олий таълим муассасаларида ҳам ўзгача бошланмоқда. Бугундан 1-курсга қабул қилинган талабалар учун танишув-таништирув дарслари ўтилиши бошланади.
Бир ҳафта давом этадиган бу каби дарслар анъанавий шаклда олиб борилади, десак ҳам бўлади.
Ўзбекистон журналистика ва оммавий коммуникациялар университетида ҳам айни дарслар бугун, 12 октябрдан бошланди. Университетда айни жараён учун алоҳида тайёргарлик кўрилди.
Шу йилнинг 17 октябригача давом этадиган ўқиш, университет томонидан талабаларнинг ОТМга келиб, яқиндан танишишлари учун ҳар битта йўналиш бўйича маълум бир кун белгиланган.
Маълумот учун, юртимизда COVID-19 пандемияси даврида таълим муассасаларида ўқув жараёнини ташкил этиш бўйича Олий ва ўрта махсус таълим вазирлигининг қарори мавжуд бўлиб, унда 1-чи курсга қабул қилинган талабаларда ўқишнинг биринчи ҳафтаси анъанавий шаклда бўлиши кўрсатиб ўтилган.
