ЎЗ ТИЛИМИЗНИНГ РИВОЖИ ВА РАВНАҚИ УЧУН

Image_tadbir: 

Ургут тумани кўчаларидаги реклама баннерларидаги хатолар ва Давлат тили тўғрисидаги Қонун бузилиши каби ҳолатлар назоратга олинган.

Туман ҳокимининг давлат тили тўғрисидаги қонун ҳужжатларига риоя қилиш масалалари бўйича маслаҳатчиси А.Зиёдов жамоат жойларида ва марказий кўчаларда ўрнатилган турли реклама баннерларини кўздан кечирди.

Ҳурматли тадбиркорлар, сизларнинг қонун билан чекланган ташқи реклама воситаларингиз фарзандларимизни дунёқараши ва тарбиясига салбий таъсир кўрсатиши мумкинлигини унутманг. Келинг, иш жойимиз ва фойдаланаётган биноларимиздаги пешлавҳа ва рекламаларимизнинг мазмуни ва маънавий жиҳатларига эътибор қаратиб, мавжуд нуқсонларни бартараф этайлик.

Бундан ташқари, тадбиркорларга эндиликда барча реклама баннерларидаги ёзувлар ўзбек тилида бўлиши кераклиги ҳамда ташқи реклама воситаларида аниқланган камчиликларни бартараф этиш лозимлиги тўғрисида тушунча берилди.

______________

Urgut tumani koʻchalaridagi reklama bannerlaridagi xatolar va Davlat tili toʻgʻrisidagi Qonun buzilishi kabi holatlar nazoratga olingan.

Tuman hokimining davlat tili toʻgʻrisidagi qonun hujjatlariga rioya qilish masalalari boʻyicha maslahatchisi A.Ziyodov jamoat joylarida va markaziy koʻchalarda oʻrnatilgan turli reklama bannerlarini koʻzdan kechirdi.

Hurmatli tadbirkorlar, sizlarning qonun bilan cheklangan tashqi reklama vositalaringiz farzandlarimizni dunyoqarashi va tarbiyasiga salbiy taʼsir koʻrsatishi mumkinligini unutmang. Keling, ish joyimiz va foydalanayotgan binolarimizdagi peshlavha va reklamalarimizning mazmuni va maʼnaviy jihatlariga eʼtibor qaratib, mavjud nuqsonlarni bartaraf etaylik.

Bundan tashqari, tadbirkorlarga endilikda barcha reklama bannerlaridagi yozuvlar oʻzbek tilida boʻlishi kerakligi hamda tashqi reklama vositalarida aniqlangan kamchiliklarni bartaraf etish lozimligi toʻgʻrisida tushuncha berildi.

2015-2024 © Хокимият Ургутского района. Разработан в: SAKTRM
95x15